متاخرتش المرة دي
النهاردة عملت نجرسكو
يارب يعجبكوا
هنحتاج
مكرونه مسلوقة
وفراخ مقطعه كانت متبقيه عندي من قبلها بيوم ومشروم وبصله متوسطة وربع معلقة صغيرة زعتر او اوريجانوا
وبشاميل
طريقتي في البشاميل بحط معلقتين زيت واقلب فيهم معلقتين او 3 دقيق حسب الكميه اللى محتاجاها وبعدين اضيف ليهم تقريبا كوبايه الا ربع حليب واقلب وبعدين اضيف نص مكعب ماجي وملح وفلفل اسود واقلب لحد ما يقرب يغلي اضيف نص كوب كريمة واطفي وبيطلع طعمه تحفة اللى بيخليه كدة الكريمة مهمة اوي تكون تقريبا نفس كمية الحليب
بعد كدة هنجيب صاسة ونحط فيها معلقة زيت ونشوح البصل
بعد ما البصل يدبل نضيف الزعتر والمشروم وملح وفلفل
ونخليه دقيقتين لحد ما يدبل ودة شكله
كدة جهزنا كل حاجة ودلوقت هنحط كل حاجة علي بعض
هنرش شوية جبنه شيدر او موتزاريلا على الوش وكمان بقسماط مطحون تقريبا 3 او 4 ملاعق كبيرة عشان يدي طبقه مقرمشة وندخلها الفرن
ودة بعد ما خرجت من الفرن
اتفضلوا معانا
من الوش احمر ومقرمش ومن جوه طريه وااااه تحفة
